प्रतिनिधी – अतुल काळे
- नागरीकातून वाढता प्रतिसाद कायम
- आर आर आबांची आठवण होत असल्याच्या भावना नागरिकांतून व्यक्त
सांगली/तासगाव : तासगाव कवठेमहांकाळ विधानसभा मतदारसंघाच्या निवडणुकीमध्ये महाविकास आघाडीच्या राष्ट्रवादी काँग्रेस पार्टी शरदचंद्र पवार गटाचे अधिकृत उमेदवार रोहित आर आर आबा पाटील यांचा प्रचाराचा झंझावात सुरू आहे. रोहितदादा पाटील यांच्या या प्रचार यात्रेस आणि गाव भेटीस उत्स्फूर्त असा प्रतिसाद मिळत आहे. स्वर्गीय आर आर आबा यांच्याप्रमाणेच रोहितदादा जनमानसात सामावून त्यांच्या अडीअडचणी जाणून घेत आहेत. कोणताही बडेजाव न करता सामान्य नागरिकाप्रमाणे जमिनीवर बसून लोकांशी संवाद साधताना आर आर आबांची आठवण होत असल्याच्या भावना नागरिकांतून व्यक्त होत आहेत.
आज तासगाव तालुक्यात शिरगाव, जुळेवाडी, वासुंबे, मतकुणकी, बेंद्री यासह इतर गावांमध्ये रोहित आर आर आबा पाटील यांनी गावभेटी करत प्रचार दौरा केला. या गाव भेटीमध्ये महिला, युवक, ज्येष्ठ नागरिक, शेतकरी यांच्यासह ग्रामस्थांनी उस्फुर्त असा प्रतिसाद दिला. ठिकठिकाणी रोहितदादा यांना महिलांनी औक्षण करून आशीर्वाद दिले. मतदारांचा वाढता प्रतिसाद पाहता रोहितदादा पाटील यांची प्रचारातील आघाडी लक्षणीय ठरत आहे. यावेळी सर्व प्रमुख पदाधिकारी उपस्थित होते.
