प्रतिनिधी – अतुल काळे
- कवठेमहांकाळ शहरातील नागरिकांकडून स्वागत
सांगली/ तासगाव : महायुतीचे तासगाव कवठेमहांकाळ मतदारसंघाचे उमेदवार संजय काका पाटील यांच्या प्रचारार्थ तासगाव कवठेमहांकाळचे युवा नेते राजवर्धन उर्फ बाळराजे घोरपडे व संजय काका पाटील यांच्या पदयात्रेस कवठेमहांकाळ शहरातून मोठा प्रतिसाद मिळाला. शहराच्या कानाकोपऱ्यात नागरिकांनी दोघांचे स्वागत केले. कवठेमंकाळ शहराचे दैवत असणाऱ्या महांकाली मंदिरात दर्शन घेऊन पूजा करून पदयात्रेचा शुभारंभ झाला. यानंतर छत्रपती शिवाजी महाराज चौक, युववाणी चौक, सरकारी दवाखाना, प्रकाश टॉकीज मज्जीद, बौध समाज (आंबेडकर नगर), म्हसोबा मंदिर एन टी पाटील नगर, विद्यानगर जुने स्टँड, काळे प्लॉट, झुरेवाडी रोड, कुची कॉर्नर या मार्गाने शहरातील नागरिकांशी संवाद साधला
यावेळी ठिकठिकाणी शहरातील नागरिकांनी उस्फूर्तपणे बाळराजे व संजय काकांचे स्वागत केले. दरम्यान ठीक ठिकाणी महिलांनी उमेदवार संजयकाका पाटील आणि बाळराजे घोरपडे यांचे औक्षण केले.
